無法再承受洗頭時看到滿手髮絲的恐懼。依目前的掉髮速度來看，十一月回港之時我將能以全新禿頭造型示人。大家可送我好看的假髮表示關心。^_^

房裡的大牛龜電視被我多手弄至一片雪花，晚上只好到朋友房間繼續追連續劇。但要放棄深夜播放的了：( 希望Terry叔叔明天能把它修好。

自閉後遺症

最近結識了好些新面孔。但交談時卻發現，原來大家一直都是同學，是我以前太「目中無人」了。以下節錄其中兩段對話。

我：你今個 sem 先讀日文架？
Ｊ：下，唔係呀。
我：但我之前未見過你咁既……
Ｊ：……我地係 end-semester party 度傾過計架……
我：……（毫無印象）

我：你除左 AP 仲讀咩啊？
Ｗ：兩科日文，同你一樣。
我：係啊？咁你上個 sem 都係讀 AP 同日文？
Ｗ：嗯。
我：咦？我地咁多科一樣，但我好似無見過你喎？
Ｗ：係咩？我好多時都見到你喎，不過你來也匆匆、去也匆匆咁，閃得好快。
我：（唔係掛我咁自閉都有人留意到？！）哈……（乾笑）我住得近嘛。
Ｗ：我都估到架喇，你次次都淨捧書，或者拎個袋仔，帶咁少野，實係住附近啦。
我：嘩咩事先你監視左我幾耐呀？！

週末早上

到小餐館點了一杯咖啡和一份早餐。看窗外的陽光、看別人桌上點了什麼、看旁邊小孩的食相、看侍應沖咖啡、聽咖啡機的響聲、聽客人的對話。

滿足了肚子，便去買點菜。然後拿出小相機，在超市裡晃，拍拍架子上那些我愛吃的。我最愛逛超市了。

回家時，太陽用力照的同時小雨點滴滴答。風有點猛，走路要比平時多用點力氣。

下午，該打開課本了。

意料之外的對談

是我存心展開對話。
獲悉的居然比我預料中多一點點，沒有期盼過什麼於是快樂也來得輕易。
但我想我對事情又有所期望了。友人說急不來，急不來。
這當然。
只是想成為朋友，算不算異想天開？